တမလွန်ကိုမကြည့်သူ

၊ ဝါတော်နှစ်ဆယ်ဟုဆိုအပ်သောပထမဗောဓိ၌
မြတ်စွာဘုရားသခင်နှင့်တပည့်သာဝကတို့သည်
ပူဇော်သက္ကာရလာဘ်လာဘများပြားလှ၏။
တိတ္တိတို့ကားအရှိန်အဝါမှေးမှိန်ကာ
ခြောက်ကပ်ကြကုန်၏။
၊ တိတ္တိတို့သည်စုပေါင်းတိုင်ပင်ကြ၏။
မြတ်စွာဘုရားအားအရှိန်အဝါမဲ့လေအောင်
ကြံဆောင်ဖို့ရာစိဉ္စမာဏဝိကာနှင့်ဖျက်စီးကြရန်
တိုင်ပင်ကြ၏။စိဉ္စမာဏသည်တိတ္တိတို့ထံသွား
ရောက်ရှိခိုးရာတိတ္တိတို့စကားမပြော၊မှိုင်တွေကာ
နေကြသဖြင့်လျှောက်ထားမေးမြန်းရာမှရဟန်း
ဂေါတမအားဤနည်းဤပုံပြုလုပ်ရမည်ဟု
တိုင်ပင်၏။စိဉ္စမာဏကကောင်းပါပြီဟုဝန်ခံ၏။
ထိုနေ့မှစ၍စိဉ္စမာဏသည်နံနက်စောစောတိုင်း
ဇေတဝန်ကျောင်းတော်သို့လာကြသူများ
မြင်သာအောင်ဆံပင်ပွလျလျော့ရဲသောကိုယ်ဖြင့်
ကျောင်းတော်တွင်းမှထွက်လာဟန်ပြု၏၊
ဤသို့ဖြင့်ရက်ပေါင်းများစွာကြာသော်
ရဟန်းဂေါတမနှင့်အတူအိပ်နေရာမှထလာခြင်း
ဖြစ်သည်ဟုပြောလာပြန်၏။သုံးလေးလကြာလျှင်
ဝမ်းဗိုက်ကိုအဝတ်တို့ဖြင့်ရံပြီးကိုယ်ဝန်ရှိဟန်ပြု၏။
ရှစ်လကျော်ကိုးလ၌သစ်သားပျဉ်ချပ်ကိုဝမ်းဗိုက်၌
ချည်၍အဝတ်ကိုခြုံပြီးခြေလက်ရောင်ရမ်းစေရန်
နွားမေးရိုးဖြင့်ခြေဖမိုးလက်ဖမိုးတို့ကိုရိုက်၍
ပင်ပန်းနွမ်းနယ်ဟန်ဖြင့်ညနေချမ်းအခါ
မြတ်စွာဘုရားတရားဟောတော်မူရာ
ပရိသတ်အလယ်သို့သွား၍-
" ရဟန်းကြီး..လူများကိုသာတရားဟောနေသည်၊
ငါ့အတွက်သားဖွားရန်တစုံတရာစီစဉ်ခြင်းမရှိ၊
အသင်သည်ပျော်ပါးရန်သာသိသည်၊ကိုယ်ဝန်ကို
စောင့်ရှောက်ရန်မသိ " ဟုပြောကြား၏။
မြတ်စွာဘုရားသည်ဟောနေသောတရားတော်ကို
ုရပ်၍-
" အိုနှမ....သင့်စကားမှန်မမှန်ကိုငါဘုရားနှင့်
အသင်နှစ်ဦးသာသိကြကုန်သည်"ဟုမိန့်တော်မူ၏။
၊ ထိုခဏ၌သိကြားမင်းစံရာဗိမာန်သည်
ပူလောင်လာသဖြင့်သိကြားမင်းကဆင်ခြင်သော်
စိဉ္စမာဏမိန်းမယုတ်ကိုမြင်၍ရှင်းလင်းသုတ်သင်
စေအံ့ဟုနတ်သားလေးယောက်အားကြွက်ငယ်
ဟန်ဆောင်စေပြီးသစ်သားပျဉ်ချပ်တို့၌
ချည်ထားသောကြိုးတို့ကိုကိုက်ဖြတ်စေ၏။
၊ ဝမ်းဗိုက်၌ချည်ထားသောသစ်သားပျဉ်ချပ်
သည် စိဉ္စမာဏ၏ခြေဖမိုးပေါ်သို့ပြုတ်ကျ၍
ခြေဖျားတို့ကျိုးလေ၏။လူအပေါင်းတို့က
မဟုတ်တရားစွပ်စွဲသောစိဉ္စမာဏကိုဆွဲငင်
ရိုက်ပုတ်နှင်ထုတ်ကြ၏။မြတ်စွာဘုရား၏ပကတိ
မျက်စိဖြင့်မမြင်နိုင်သောနေရာသို့ရောက်လျှင်
မြေကြီးသည်ဟက်တက်ကွဲ၍အဝီစိသို့ကျလေ၏။
လူတို့သည် မြတ်စွာဘုရားသခင်အား
အတိုင်းထက်အလွန်ကြည်ညိုကြကုန်၏။
၊ နောက်တနေ့တရားသဘင်တွင်
ဤအကြောင်းကိုပြောဆိုကြသောရဟန်းတို့အား
" ချစ်သားရဟန်းတို့...ဤစိဉ္စမာဏဝိကာသည်
ခုအကြိမ်သာ ငါဘုရားကိုစွပ်စွဲသောကြောင့်
ပျက်စီးခြင်းသို့ရောက်သည်မဟုတ်သေး၊
ရှေးအခါကလည်းဖြစ်ခဲ့ဖူးပေပြီ " ဟု
ဒွါဒသနိပါတ်၊မဟာပဒုမဇာတ်တော်ဖြင့်
မိန့်ဆိုတော်မူပြီးအောက်ပါအတိုင်းဆက်လက်
ဟောတော်မူပါသည်။
-------------------------------------------------
(၁၇၆)အမှန်တရားကိုကျော်လွန်၍
မုသားစကားကိုပြောဆိုလေ့ရှိပြီး
နောင်ဘဝအတွက်စဉ်းစားဆင်ခြင်ခြင်း
အလျင်းမရှိသောသူအား
မပြုနိုင်မည့်မကောင်းမှုဟူသည်မရှိပေ။
------------------------------------------------
ဓမ္မပဒ၊လောကဝဂ်၊စိဉ္စမာဏဝိကာဝတ္ထု