ကျင့်နိုင်သူမှအပိုင်ရ

- သာဝတ္တိပြည်မှသူငယ်ချင်းနှစ်ယောက်တို့သည်
တရားတော်ကိုနာကြားရသဖြင့် သာသနာတော်၌
ရဟန်းပြုကြလေသည်။ငါးဝါပတ်လုံးဥပဇ္ဈာယ်ဆရာ
ထံ၌နေပြီးနောက် တစ်ပါးသောရဟန်းသည် ကျန်
တစ်ပါးအား" အရှင်ဘုရား၊တပည့်တော်သည်
အသက်ကြီးမှရဟန်းပြုရပါသဖြင့် ဝိပဿနာဓုရကို
သာကျင့်ပါတော့အံ့ "လျှောက်ထား၍ မမေ့မလျော့
သောလုံ့လဖြင့် ကျင့်ကြံအားထုတ်သောကြောင့်
ပဋိသမ္ဘိဒါနှင့်တကွ အရဟတ္တဖိုလ်သို့ ရောက်လေ၏။
- ကျန်ရဟန်းတစ်ပါးသည် ပိဋကတ်သုံးပုံတည်း
ဟူသောဂန္ထဓူရကိုသင်ကြား၍ တဖန်ရဟန်းငါးရာ
တို့အား ပို့ချလျက် တစ်ဆယ့်ရှစ်ရပ်ကုန်သောဂိုဏ်း
ကြီးတို့၏ ဆရာဖြစ်လာလေသည်။
- အခြားသော ဝိပဿနာအားထုတ်လိုသော
ရဟန်းတို့သည် မြတ်စွာဘုရားထံ၌ ကမ္မဋ္ဌာန်းကို
သင်ယူကြ၍ ဝိပဿနာဓုရ ရဟန္တာမထေရ်ထံသွား
ရောက်နေထိုင်ကြ၏။ ထိုမထေရ်၏အဆုံးအမ၌
တည်လျက်အရဟတ္တဖိုလ်သို့ရောက်ကြပြီးလျှင်
မထေရ်ကိုခွင့်ပန်၍ မြတ်စွာဘုရားထံ ဖူးမြော်ရန်
သွားကြလေ၏။မထေရ်က သင်တို့သည် မြတ်စွာ
ဘုရားကို ရှိခိုးပြီး ရှစ်ကျိပ်ကုန်သောမထေရ်တို့ကို
လည်းရှိခိုးကြပါကုန်လော့။ ငါ၏မိတ်ဆွေဟောင်း
ဖြစ်သော ဂန္ထဓုရမထေရ်ကိုလည်း " တပည့်တော်
တို့ဆရာသည်အရှင်မြတ်ကိုရှိခိုးလိုက်ပါသည် "ဟု
လျှောက်ကြားကုန်လော့ဟုမှာကြားပြီးလွှတ်လိုက်၏။
- ထိုရဟန်းတို့သည်ဆရာဖြစ်သူမှာကြားသည့်
အတိုင်း မြတ်စွာဘုရားနှင့်ရဟန္တာရှစ်ကျိပ်တို့ကိုရှိခိုး
ပြီး ဂန္ထဓုရမထေရ်ကို ရှိခိုး၍ မှာကြားသည့်အတိုင်း
လျှောက်ထားကြလေသည်။ဂန္ထဓုရမထေရ်က
" သင်တို့ဆရာမည်သူနည်း " ဟုမေး၏။
" အရှင်မြတ်၏မိတ်ဆွေဟောင်းဖြစ်သော ဝိပဿနာ
ဓုရ ရဟန်းပါ " ဟုလျှောက်ကြ၏။
- ဤသို့လျှင်မြတ်စွာဘုရားထံဖူးမြော်ရန် ရောက်
လာကြသောရဟန်းတို့က မကြာခဏလာ၍ အမှာ
စကားကိုလျှောက်ထားကြသည်ရှိသော် " ဂါထာကို
လည်းနားမလည် ၊ မသိ၊ပံ့သကူသင်္ကန်းကိုကောက်
လျက် တောသို့ဝင်နေပါလျက်တပည့်တပန်း များ
ပေသည်။ထိုရဟန်းလာသောအခါ ငါသည်ပြဿနာ
ကိုမေးမည် " ဟုကြံ၏။
- တနေ့သောအခါ အရဟတ္တဖိုလ်ရောက်ပြီးသော
မထေရ်သည် မြတ်စွာဘုရားကိုဖူးမြော်ရန် ရောက်
လာလေသည်။မြတ်စွာဘုရားနှင့် ရှစ်ကျိပ်သောမဟာ
ထေရ်တို့ထံ ရှိခိုးပြီး ဂန္ထဓုရမထေရ်ထံပြန်လာခဲ့သည်။
ထိုရဟန္တာမထေရ်အား ဂန္ထဓုရမထေရ်က ဝတ်ကြီး
ဝတ်ငယ်ပြုစုပြီးလျှင် နေရာတန်းတူယူ၍ အမေးပုစ္ဆာ
ကိုမေးမည်ဟုထိုင်နေ၏။
- ဂန္ထဓုရ ရဟန်းသည် ရဟန္တာဖြစ်ပြီးသောဝိပဿ
နာဓုရ ရဟန်းကိုအထင်သေးစွာ ပြဿနာမေးလေလျှင်
ငရဲ၌ဖြစ်လေမည်ကို ဘုရားရှင်မြင်တော်မူလေသည်။
ထို့ကြောင့် ကျောင်းအစဉ်လှည့်လည်ကြည့်ရှုတော်မူ
သကဲ့သို့ထိုရဟန်းနှစ်ပါး၏နေရာအရပ်သို့ ကြွတော်
မူလေသည်။ ကျောင်းတိုင်းတွင် မြတ်စွာဘုရားအတွက်
ထိုင်နေသီတင်းသုံးရန် နေရာကို အမြဲခင်းထားလေ့
ရှိသဖြင့် မြတ်စွာဘုရားသည် ခင်းထားသောနေရာ၌
သီတင်းသုံးတော်မူလေသည်။
- ဘုရားရှင်သည်ပိဋကတ်ဆောင်ဂန္ထဓုရ ရဟန်း
အားပထမဈာန်၊ဒုတိယဈာန်မှစ၍ ရှစ်ပါးသောသမာ
ပတ်ကို၎င်း၊ရုပ်နာမ်တို့ကို၎င်း၊အမေးပုစ္ဆာမေးတော်
မူ၏။ ထို့နောက်သောတာပတ္တိမဂ်အကြောင်းကို မေး
တော်မူလေလျှင် ထိုရဟန်းသည်မဖြေဆိုနိုင်ပေ။
ထိုသို့မဖြေဆိုနိုင်သောအခါမှ ရဟန္တာဖြစ်ပြီးသော
ဝိပဿနာဓုရ ရဟန်းကိုမေးတော်မူလေသည်။
ရဟန္တာပုဂ္ဂိုလ်သည်ကောင်းစွာဖြေဆိုနိုင်လေသည်။
မြတ်စွာဘုရားကသာဓု၊သာဓု၊သာဓု၊ဟုကောင်းချီး
ပေးတော်မူလေသည်။
- ထို့နောက်တစ်ဖန်ကြွင်းသောမဂ်တို့ကို အစဉ်
အတိုင်းအမေးပုစ္ဆာမေးတော်မူ၏။ဂန္ထဓုရ ရဟန်းသည်
တစ်စုံတစ်ခုမျှ မဖြေဆိုနိုင်ပေ။ရဟန္တာဖြစ်သောပုဂ္ဂိုလ်
သည်ကားမေးတိုင်းမေးတိုင်းဖြေဆိုနိုင်၏။မြတ်စွာ
ဘုရားလည်းကောင်းချီးပေးတော်မူ၏။
- ထိုအခါ ဂန္ထဓုရ ရဟန်း၏ တပည့်တို့သည် ဘုရား
ရှင်ကို ကဲ့ရဲ့ကြကုန်၏။ဘုရားရှင်သည်တစ်စုံတစ်ခု
မျှမသိသော သက်ကြီးရွယ်ရင့်မထေရ်အား လေးပါး
သောအရာ၌ ကောင်းချီးပေးတော်မူ၏။ ပရိသတ်ကို
ဆောင်တော်မူသော ရဟန်းငါးရာတို့၏ ဆရာဖြစ်သော
ဂန္ထဓုရ မထေရ်ကိုမူချီးမွမ်းခြင်းတစ်စုံတစ်ရာမပြုဟု
ဆိုကြကုန်၏။
- ထိုအခါ မြတ်စွာဘုရားက " ချစ်သားရဟန်းတို့၊
အသင်တို့၏ဆရာသည် ငါဘုရား၏သာသနာတော်၌
အဖိုးအခဖြင့် နွားတို့ကို စောင့်ရှောက်ထိန်းကျောင်း
ရသောနွားကျောင်းသားနှင့်တူ၏။ငါ၏သားတော်သည်
ကား ငါးပါးကုန်သောအရသာရှိသည့် နွားနို့တို့ကို
အလိုရှိတိုင်း သုံးဆောင်ခံစားရသော နွားရှင်နှင့်တူ
လေ၏။ " ဟုမိန့်တော်မူပြီးအောက်ပါဂါထာကို
ဟောတော်မူလေသည်။
------------------------------------------------
၁၉။ အကျိုးကျေးဇူးများသော ပိဋကတ်သုံးပုံကို
များစွာပို့ချသင်ကြားဟောပြောငြားသော်လည်း
ပြုသင့်ပြုထိုက်သော ကမ္မဋ္ဌာန်းဘာဝနာတရားကို
မပွားများဘဲ မေ့မေ့လျော့လျော့နေသောသူသည်
မဂ်ဖိုလ်၏အရသာကိုမခံစားရဘဲ(သင်ကြားပို့ချဟော
ပြောခအရိုအသေမျှလောက်သာခံစားရ၏။)
ဥပမာ-အခစားနွားကျောင်းသားသည် မိမိကျောင်း
သမျှ နွားများကို မမှားရအောင်ရေတွက်ပြီးလျှင်
(နွားရှင်တို့ထံပြန်အပ်၍ နွားကျောင်းခမျှသာရလျက်)
နွားနို့၏အရသာကိုမခံစားရသကဲ့သို့တည်း။
၂၀။ အကျိုးကျေးဇူးများသော ပိဋကတ်သုံးပုံကို
အဟောပြောနည်းပါးသော်လည်းတရားတော်နှင့်
အညီ ကျင့်ကြံနေထိုင်သောသူသည် ရာဂ၊ ဒေါသ၊
မေဟတို့ကိုပယ်၍ တရားမှန်ကိုသိပြီးလျှင်
ကိလေသာမှ ကောင်းစွာလွတ်သောစိတ်ရှိလျက်
ဤဘဝကို၎င်း၊ နောက်ဘဝကို၎င်း အစွဲအလန်းမရှိဘဲ
မဂ်ဖိုလ်အရသာကိုခံစားရလေသည်။
--------------------------------------------
-ဓမ္မပဒ၊ယမကဝဂ်၊ဒွေသဟာယကဘိက္ခုဝတ္ထု