မြတ်စွာဘုရား၏ရဲရင့်ခြင်းလေးပါး

ရဟန်းတို့---မြတ်စွာဘုရားသည်အကြင်ရဲရင့်ခြင်း
တို့နှင့်ပြည့်စုံသည်ဖြစ်၍မြင့်မြတ်သောအရာကိုဝန်ခံ၏။
ပရိသတ်တို့အလယ်၌ခြင်္သေ့ဟောက်သကဲ့သို့ရဲရင့်သော
စကားကိုမြွက်ဆို၏။မြတ်သောတရားစက်ကိုလည်စေ၏။
ထိုရဲရင့်ခြင်းတို့သည်လေးပါးရှိကုန်၏။အဘယ်နည်းဆိုသော်--

(၁)သဗ္ဗညုတဉာဏ်တော်။ ။အလုံးစုံသောတရားတို့ကို
ကိုယ်တိုင်မှန်စွာသိမြင်၏ဟုဝန်ခံသောသင်သည်
ဤမည်သောတရားတို့ကိုထိုးထွင်း၍မသိဟူ၍
လောက၌တစ်စုံတစ်ယောက်သောပုဂ္ဂိုလ်က
အကြောင်းယုတ္တိနှင့်တကွငါ့ကိုစောဒနာလိမ့်မည်
ဟူသောအရိပ်နိမိတ်ကိုငါမမြင်။ထို့သို့မမြင်သောကြောင့်
ငါသည်ငြိမ်းချမ်းခြင်း၊ဘေးကင်းခြင်း၊ရဲရင့်ခြင်းသို့
ရောက်လျက်နေ၏။
(ဤတရားကိုမသိပါဟုလာရောက်စွပ်စွဲမည့်သူကိုမမြင်
အလုံးစုံကိုသိပြီးဖြစ်သောကြောင့်လာရောက်စွပ်စွဲမည်ကိုလဲ
တွေးကြောက်နေရန်မလိုသဖြင့်ငြိမ်းချမ်းခြင်း၊ဘေးကင်းခြင်း၊
ရဲရင့်ခြင်းဖြစ်၏။)ဟုဆိုလိုပါသည်။

(၂)အာသဝက္ခယဉာဏ်တော်။ ။အာသဝေါကုန်ပြီးသူ
ဖြစ်၏ဟုဝန်ခံသောသင့်အားဤမည်သောအာသဝေါ
တရားတို့သည်မကုန်သေးဟူ၍
လောက၌တစ်စုံတစ်ယောက်သောပုဂ္ဂိုလ်က
အကြောင်းယုတ္တိနှင့်တကွငါ့ကိုစောဒနာလိမ့်မည်
ဟူသောအရိပ်နိမိတ်ကိုငါမမြင်။ထိုသို့မမြင်သောကြောင့်
ငါသည်ငြိမ်းချမ်းခြင်း၊ဘေးကင်းခြင်း၊ရဲရင့်ခြင်းသို့
ရောက်လျက်နေ၏။

(၃)အန္တရာယိကဓမ္မဇာနာနဉာဏ်တော်။ ။
ဈာန်မဂ်ဖိုလ်ကိုအန္တရာယ်ပြုတတ်သောတရားများဖြစ်၏
ဟုသင်ဟောကြားသောတရားတို့သည်ထိုတရားတို့ကို
မှီဝဲသောသူအားဈာန်မဂ်ဖိုလ်၏အန္တရာယ်ကိုပြုခြင်းငှါ
မစွမ်းနိုင်ဟူ၍
လောက၌တစ်စုံတစ်ယောက်သောပုဂ္ဂိုလ်က
အကြောင်းယုတ္တိနှင့်တကွငါ့ကိုစောဒနာလိမ့်မည်
ဟူသောအရိပ်နိမိတ်ကိုငါမမြင်။ထိုသို့မမြင်သောကြောင့်
ငါသည်ငြိမ်းချမ်းခြင်း၊ဘေးကင်းခြင်း၊ရဲရင့်ခြင်းသို့
ရောက်လျက်နေ၏။

(၄)နိယျာနိကဓမ္မပဿနဉာဏ်တော်။ ။ဆင်းရဲကုန်ခြင်း
အကျိုးငှါသင်ဟောကြားအပ်သောတရားသည်ဟောကြား
သည့်အတိုင်းကျင့်သူအားဆင်းရဲကုန်ရာသို့မပို့ဆောင်နိုင်
ဟူ၍လောက၌တစ်စုံတစ်ယောက်သောပုဂ္ဂိုလ်က
အကြောင်းယုတ္တိနှင့်တကွငါ့ကိုစောဒနာလိမ့်မည်
ဟူသောအရိပ်နိမိတ်ကိုငါမမြင်။ထိုသို့မမြင်သောကြောင့်
ငါသည်ငြိမ်းချမ်းခြင်း၊ဘေးကင်းခြင်း၊ရဲရင့်ခြင်းသို့
ရောက်လျက်နေ၏။
-------------------------------------------------
အဂုင်္တ္တရနိကာယ်၊စတုက္ကနိပါတ်၊ဝေသာရဇ္ဇသုတ်